- 43 -
1422 (26. grudnia) Bratysława, w dzień św. Stefana Męczennika, etc.
Doniesienie wielkiego marszałka zakonu krzyżackiego do wielkiego mistrza w sprawie połączenia, zawarcia i podpisania (opieczętowania) wielkiej koalicji skierowanej przeciwko Polsce etc.
— Mynen gar wylligen vndirtanigen gehorsam czu allen czieten czuvor, erwirdiger gnediger lieber her meister. Als ich euwer gnade vorgeschreben habe, wy meyn herre der falczgraffe vnd ich von den fursten in der Sleyssie czu BresslawWrocław gescheyden sein, das haben dieselben fursten den erwirdigen vnd hochgeborn herren Conrad bisschoff czu Bresslaw vnd herczog Primske von Troppaw ire vulle macht noch uswysunge der czeddil, die czu NurenbergNürnberg (pol.: Norymberga) w Bawarii (D) begryffen wart, gegeben, vnd alzo is meyn here der falczgraffe mit den obgenanten herrn vnd vns allen am nehest vorgangen sonobunde vor sandte Thomistage czu vnserm gnedigen herrn dem romischen konige etc. komen vnd aldo herczoge Albrecht von Osrerrych vnd herczoge Lodewig in Bayern, den man von Franktyche nenneth, gefunden haben mit vyl andern herrn, so das man do synen koniglichen gnaden vorbrachte vnd dirczalte vnsirs ordens sache, gelegenheyt vnd notdorfft in allir der wyse, als man den von euwer erwirdikeit is gescheyden, welche vorbrengunge sine gnade gnediclichen von vns gehort vnd ufgenomen hat, vnd in gar wyllig gefunden haben in den sachen. Nemlichen von des bundis wegen hat syne gnade vns geantwortet, wy her der vngrischen herrn wol mechtig sey vnd keynen czwybil in den sachen an in habe, ydach obir das allis so wil sine gnade sey vorbotten czu im czu komen, sulche eynunge vnd bundnisse czu fulfieren vnd czu besegeln. So wyl her ouch den fursten vnd steten in der Sleyssie vnd andern dorvmbe gelegen, die czu sinen gnaden horen, eynen korczen tag bescheyden, die eynunge vnd bundnisse mit in czu beslissen vnd czu besegelen, vnd vff das, dass disse vorbindunge sundir lange vorczogerunge vulendet werden, so entwirft man itczunt vnd begryffet der verbintnisse briffe in sulcher wysze vnd forme, als sey denne stehen sullen, vnd vndir sulchen teydingen vnd handelungen so hat man mit synen gnaden geredt von eyner wyntter reyszenKampania zimowa, ab man die czu wege mochte brengen, das hat sine gnade sundirlichen mit mir gewegen vnd dovon geredt vnd doruf geantwortet, noch dem her den vngrischen hern, sleissischen fursten vnd stete vorbotten musze, so moge keyne winter reysze vor dissem someherLetnia [kampania] gescheen, vnd is sey bessir, das man disse eynunge vnd bundnisse vulende vnd eygentlichen czu rathe werde, wene eyn somher reysze syn sulde, das man den die als durch gancze deutsche land, vnd wo das nodt sein wirt, vorkundige, vnd als notdorfft sein wurde, so wyl myn herre der falczgraffe alzo lange by myns herrn koniges gnade blieben vnd dorczu thun vnd rathen noch synen besten vormogen, das die sachen czu gutten ende vulfureth werden, als das wol czu gote stehet czu hoffen, das sey czu gutten ende komen werden, vnd vmbe das wyllen, das do keyne wintter reysze moge werden, so mag ewer gnade wol die geste lassen reythen, alzo ferre ab ir euch nicht besorget, das ir von vnsern fienden werdet obirfallen, wen das geruchte hey ist, das die Polan stark besammelt legen, vnd wers sache, das sey euwer gnade wurde lassen rythen, so geruchet sey io gutlichen von euch rychten vnd abwysen, als das euwer erwirdikeit Radewyczer euwer diner wol mundlichen wirt dirczelen vnd bestelts, das io der meister von deutschen landen der landkomthur von Bysen myner in Pruyszen dirbeyten, so her sych den allir geringste enthalden mag, wen ich mych vordern wyl hin heyme das irste, das ich kan adir mag. Ouch so geruche euwer gnade czu wyssen, das myns herrn koningis gnade vnd myn herre falczgraffe botschafft thun wellen in den hoff ken RomeRzym, an alle korfursten vnd allen andern cristen koningen, fursten vnd herren von disser verbindunge wegen, worvmb vnd in welcher wyse anfangen vnd gescheen ist. Dornach geruche sich euwer gnade czu rychten.
Gegeben czy BrespurgBratysława (słow.: Bratislava) an sandte Steffans tage martyris im XXIIten Jahre.
Bruder Lodewyg von Lanszen, des deutschen ordens obirster marschalk.